Republica Former PM Bhattarai passes away
News 7:28 AM
नेपाली काङ्ग्रेसले संस्थापक नेता कृष्णप्रसाद भट्टराईको निधन
२१ फागुन, काठमाडौं ।
नेपाली काङ्ग्रेसका नेताहरुले संस्थापक नेता कृष्णप्रसाद भट्टराईले प्रजातान्त्रिक आन्दोलनमा पुर्याउनु भएको योगदानको उच्च मूल्याङ्कन गर्ने प्रतिबद्धता जनाएका छन् ।
भट्टराईको शव राखिएको ललितपुरको बाँणेगाउँस्थित आश्रममा शनिबार विहान पत्रकारहरुलाई प्रतिकृया दिँदै काङ्ग्रेस सभापति सुशील कोइरालाले सच्चा लोकतन्त्रवादी र निष्ठावान नेताको रुपमा भट्टराईलाई मुलुकले सँधै स्मरण गर्ने बताउनुभयो । भट्टराईको निधनले मुलुकलाई अतुलनीय क्षति पुगेको भन्दै कोइरालाले प्रजातान्त्रिक आन्दोलनमा उहाँले पुर्याउनु भएको योगदानको उच्च मूल्याङ्कन गर्ने प्रतिबद्धता जनाउनुभयो ।
यस्तै महामन्त्री प्रकाशमान सिंहले भट्टराईको निधनले देशभक्तिपूर्ण आन्दोलनलाई क्षति पुगेको भन्दै उहाँले देखाएको बाटोलाई काङ्ग्रेसले मार्ग दर्शनको रुपमा अङ्गाल्ने जानकारी दिनुभयो ।
भट्टराईलाई श्रद्धान्जली दिन काङ्ग्रेसका नेता तथा कार्यकर्ताहरु, राजनीतिक दलका नेताहरु र शुभेच्छुकको वाँणेगाउँस्थित आश्रममा भिड लागेको छ ।
काङ्ग्रेस केन्द्रीय समितिको आकस्मिक बैठक बसेर पूर्वसभापति भट्टराईको पार्थिव शरिरलाई केन्द्रीय कार्यालयमा राखेर श्रद्धान्जली व्यक्त गर्ने काङ्ग्रेसले जनाएको छ ।
Source:onlinekhabar
Posted by Anonymous
on 7:28 AM.
Filed under
Nepalese Rupee Converter