माओवादी कार्यकर्ताको गोली हानी हत्या

२४ वैशाख, सिरहा । एकीकृत नेकपा माओवादीका एक स्थानीय कार्यकर्ताको सिरहाको रामपुरविर्तामा अज्ञात हतियारधारी समूहले शुक्रबार राति गोली हानी हत्या गरेको छ । जिल्लाको रामपुरविर्ता-५ स्थायी घर भएका माओवादी सिरहा जिल्ला सदस्य विन्देश्वर महतोको गोली हानी हत्या गरिएको जिल्ला प्रहरी कार्यालय सिरहाले जनाएको छ ।

मोटरसाइकलमा आएका दुई अज्ञात हतियारधारीले घर नजिकैको पसलमा खाइरहेका बेला स्थानीय मनहरुवा चोकमा महतोमाथि अन्दाधुन्द गोली चलाएर भागेको प्रहरीले बताएको छ । चारगोली लागेका महतोको घटनास्थलमै मृत्यु भएको बताइएको छ ।

यसैबीच माओवादी जिल्ला इन्चार्ज हरिनारायण चौधरीले हमतोको हत्या राजनीतिक प्रतिशोधका आधारमा भएको बताउनु भएको छ । अनलाइनखवरसित कुरागर्दे इन्चार्ज चौधरीले स्थानीय प्रशासनले घटनाको स्वतन्त्र छानविन गरी दोषीमाथि कडा कारवाही नगरे आफुहरुले नै अपराधीलाई कारवाही गर्ने चेतावनी दिनुभयो ।

Onlinekhabar

Posted by Anonymous on 9:07 AM. Filed under News . You can follow any responses to this entry through the RSS 2.0