विद्यालय सञ्चालिकामाथि गोली प्रहार

५ जेठ, वीरगञ्ज । वीरगन्ज उपमहानगरपालिका-१२ रानिघाटस्थित जीवनज्योति माध्यमिक विद्यालयकी सञ्चालिका सुनिता गुप्तामाथि गएराति अज्ञात समूहले गोली प्रहार गरेको छ ।
दाहिने काँधमा गोली लागेर गम्भीर घाइते भएकी गुप्तालाई उपचारका लागि हिजै राति काठमाडौँ पठाइएको जिल्ला प्रहरी कार्यालय पर्साले जानकारी दिएको छ ।
राति करिब ८ बजेतिर घरमा बसिरहेका बेला अज्ञात हतियारधारी समूहले गुप्तामाथि गोली प्रहार गरेको प्रहरीले जनाएको छ । गोली कसले र कुन उद्देश्यले हानेको को भन्ने खुल्न सकेको छैन ।
 यसैबीच घटनाको विरोधमा आज पर्साका अधिकांश निजी विद्यालय बन्द गरिएका छन् ।


Onlinekhabar